Vekst i Hareid er sikra vidare

Omstillingsprosjektet Vekst i Hareid får tilført meir midlar frå Møre og Romsdal fylkeskommune.

Omstillingsprosjektet er eit samarbeid mellom kommune og næringsforum og næringslivet i Hareid, og har som mål å skape 100 nye arbeidsplassar i prosjektperioden.

Basert på dei prosjekta som no står på trappene er løyvinga igjen auka, denne gongen til tre millionar kroner for det komande året, heiter det i ei melding frå Vekst i Hareid.

I tillegg bidreg Hareid kommune og 10 lokale bedrifter slik at arbeidet er sikra i minst eitt år framover.