Vekst i sysselsettinga

NPK-NTB: Det vart skapt over 52.000 nye jobbar frå første kvartal i 2017 til første kvartal i år, viser tal frå SSB.
I første kvartal 2018 var det rundt 2,8 millionar arbeidsforhold i Noreg. Det er ein vekst på 1,9 prosent, viser tal frå .
Det var i underkant av 2,6 millionar lønnstakarar i Noreg i første kvartal 2018. Det er ein auke på 1,7 prosent, eller 40.000 personar.
Sogn og Fjordane er fylket med minst vekst i talet på arbeidsforhold, med 0,5 prosent. Det er dessutan det einaste fylket med nedgang i arbeidsforhold i statsforvaltninga, privat sektor og offentleg eigde føretak.
Oslo hadde den største veksten i arbeidsforhold, med 3,1 prosent.
Blant innvandrarar var det størst relativ vekst både i talet på lønnstakarar og i talet på arbeidsforhold. I første kvartal 2018 var det rundt 390.000 lønnstakarar blant innvandrarar, som svarar til i underkant av 20.000 fleire frå første kvartal året før. Det er ein vekst på 5,1 prosent. Veksten i talet på arbeidsforhold blant innvandrarar var på 5,5 prosent.