Ventar styringsrente mot 3 prosent i 2027

(NPK-NTB): SSB ventar at styringsrenta fell i åra framover og kjem ned mot 3 prosent i 2027.

– Vi ventar at styringsrenta blir verande på 4,5 prosent til andre halvår i år før den gradvis blir redusert, men litt seinare enn hos handelspartnarane våre. I 2027 er styringsrenta venta å komme ned mot 3 prosent, seier forskingsleiar Thomas von Brasch i Statistisk sentralbyrå (SSB).

Rammelånsrenta, som i år er rekna til 6 prosent, vil då falle med nær 1,5 prosentpoeng fram til 2027, skriv SSB.