Vi må bruke meir munnbind

Regjeringa tilrår bruk av munnbind på kollektivtrafikk, taxi og kjøpesenter for å bremse spreiinga av koronaviruset.

Statsminister Jonas Gahr Støre (Ap) la fram dei nye tilrådingane i Stortinget tysdag formiddag. Dei vil gjelde frå onsdag.

– Det blir innført ei nasjonal tilråding om å bruke munnbind i kontakt med tilsette i helsevesenet. Vi tilrår at det blir brukt munnbind på kollektivtransport, i taxi, i butikkar og i kjøpesenter der det ikkje er mogleg å halde avstand, sa Støre.

Han sa at regjeringa vil føre vidare tilrådinga om å teste skuleelevar i område med aukande smittespreiing.