Vi skuldar 150 milliardar kroner

Sidan januar har usikra gjeld hos norske forbrukarar sokke med nær 10 milliardar kroner, til 150 milliardar. I september auka gjelda igjen.

1. oktober er forbruksgjelda tilbake på nivået det har vore sidan mars i år og ser ut til å stabilisere seg på det nivået. Gjeldsnedgangen sist månad ser altså ut til å vere mellombels, ifølgje månadsstatistikken frå Norsk Gjeldsinformasjon.

Sidan januar 2021 har gjeldt falle med 9,8 milliardar kroner, 6,1 prosent.

– Det er interessant å sjå at gjenopninga av samfunnet i alle fall så langt ikkje har medført auka bruk av usikra kreditt, seier forbrukarpolitisk direktør Gry Nergård i Finans Norge.

Frå januar 2020 til 1. oktober i år har forbruksgjelda sokke med 25,8 milliardar kroner, frå 175,8 til 150 milliardar.

– Det er ingen tvil om at gjeldsregistera og dei andre tiltaka for å få ned forbruksgjelda har hatt effekt, seier Nergård.

Finans Norge ønskjer seg utviding av registera, slik at all gjeld, blant dei bustadgjeld, blir teken med i registeret. Dette har dei spelt inn til dei pågåande regjeringsforhandlingane.