Vil ha meir vindkraft

NPK-NTB: NHO-sjef Ole Erik Almlid seier at det grøne skiftet går for sakte – og at vi må byggje meir vindkraft.

– Dette engasjerer meg veldig, seier Almlid til Klassekampen.

– Om nokre år kjem vi til å sjå tilbake og seie at vi brukte altfor lite tid på klimakrisa. Det er heilt krise at det går så sakte. I 2024 må det setjast alle klutar til for at Noreg skal nå klimamåla, seier Almlid.

Han seier det må byggjast meir fornybar kraft veldig raskt. Han vil ha meir vindkraft på land først, og dessutan solenergi på bygg og store solcelleparkar og meir vasskraft.