Vil opne Trollstigen i midten av juli

Jobben med å sikre Trollstigen er i gang igjen etter vinteren og målet er å vere ferdige til 14. juli. 

Arbeida hadde oppstart etter vinteren 28. april, og sidan då har det vore jobba med tilrigging og klargjering, ifølgje ei melding frå Møre og Romsdal fylkeskommune. 

Den populære turistvegen har vore stengt for rassikring sidan i fjor. Fylkespolitikarane har nyleg gitt grønt lys for å ta bompengar på strekninga.