NPK-NTB-Dag Kjørholt: 80 prosent av nordmenn mellom 16 og 79 år har handla på nett dei siste tolv månadene. Billettar til arrangement, klede og sportsutstyr toppar kjøpslista.
Delen av befolkninga som har handla på nett, har auka med 3 prosentpoeng frå i fjor, viser nye tal frå statistikk Bruk av IKT i hushalda.
Dette følgjer utviklinga med ei jamn stigning sidan 2009, då det for første gong vart samla inn data om vanane med netthandel til nordmenn. For ti år sidan var det 67 prosent av befolkninga mellom 16 og 79 år som hadde handla på nett dei siste tolv månadene.
Det er ein nokså lik del i alle aldersgrupper opp til 54 år som har handla på nett. Deretter fell delen gradvis i dei tre eldste aldersgruppene.
I aldersgruppa mellom 35 og 44 år har 96 prosent handla på nett dei siste tolv månadene, medan 81 prosent har handla på nett dei tre siste månadene.
Billettar til arrangement ser ut til å vere det aller mest populære å handle på nett. I alt 51 prosent av dei spurde i undersøkinga hadde kjøpt dette gjennom det siste året.
Deretter følgjer klede og/eller sportsutstyr, som 49 prosent har handla, før film/musikk med 48 prosent.
Av dei ulike varene det blir spurt om i undersøkinga, er mat og daglegvarer det som blir kjøpt av færrast over nett, med 13 prosent. Denne typen varer hadde ein jamn auke fram til 2017, medan det har vore ein svak nedgang frå 2017 til i år.
Det er ein liten del fleire menn enn kvinner som har handla matvarer på nett, med 14 prosent for menn mot 12 prosent for kvinner.
Den eldste aldersgruppa skil seg klarast ut når det gjeld kjøp eller bestilling av filmar og musikk. Det inkluderer abonnement på strøymetenester.
56 prosent av dei mellom 16 og 64 år har handla dette på nett, medan det tilsvarande talet for dei mellom 65 og 79 år er 9 prosent.
Denne typen varer er òg den som har hatt størst auke dei siste fem åra. I 2014 hadde 33 prosent av befolkninga mellom 16 og 79 år handla film og musikk inkludert strøymetenester på nett. Auken er på 15 prosentpoeng sidan 2014.
Delen av befolkninga som har handla på nett, har auka med 3 prosentpoeng frå i fjor, viser nye tal frå statistikk Bruk av IKT i hushalda.
Dette følgjer utviklinga med ei jamn stigning sidan 2009, då det for første gong vart samla inn data om vanane med netthandel til nordmenn. For ti år sidan var det 67 prosent av befolkninga mellom 16 og 79 år som hadde handla på nett dei siste tolv månadene.
Det er ein nokså lik del i alle aldersgrupper opp til 54 år som har handla på nett. Deretter fell delen gradvis i dei tre eldste aldersgruppene.
I aldersgruppa mellom 35 og 44 år har 96 prosent handla på nett dei siste tolv månadene, medan 81 prosent har handla på nett dei tre siste månadene.
Billettar til arrangement ser ut til å vere det aller mest populære å handle på nett. I alt 51 prosent av dei spurde i undersøkinga hadde kjøpt dette gjennom det siste året.
Deretter følgjer klede og/eller sportsutstyr, som 49 prosent har handla, før film/musikk med 48 prosent.
Av dei ulike varene det blir spurt om i undersøkinga, er mat og daglegvarer det som blir kjøpt av færrast over nett, med 13 prosent. Denne typen varer hadde ein jamn auke fram til 2017, medan det har vore ein svak nedgang frå 2017 til i år.
Det er ein liten del fleire menn enn kvinner som har handla matvarer på nett, med 14 prosent for menn mot 12 prosent for kvinner.
Den eldste aldersgruppa skil seg klarast ut når det gjeld kjøp eller bestilling av filmar og musikk. Det inkluderer abonnement på strøymetenester.
56 prosent av dei mellom 16 og 64 år har handla dette på nett, medan det tilsvarande talet for dei mellom 65 og 79 år er 9 prosent.
Denne typen varer er òg den som har hatt størst auke dei siste fem åra. I 2014 hadde 33 prosent av befolkninga mellom 16 og 79 år handla film og musikk inkludert strøymetenester på nett. Auken er på 15 prosentpoeng sidan 2014.
Publisert: 29.08.2019 15:51
Sist oppdatert: 10.02.2021 15:33
