Åtte nye smitta i Ålesund

Sidan laurdag kveld er det meldt til saman åtte nye smittetilfelle i Ålesund kommune.

Til saman seks personar i relasjon til Jugendbyen Barnehage har fått påvist smitte med koronavirus. Ein av dei er heimehøyrande i Sula kommune. Som ein konsekvens av dette er to klassar ved 6 trinn Spjelkavik barneskole er sett i karantene, opplyser kommunen i ei pressemelding.

Det vert opplyst at det er ventekarantene ved ei avdeling ved Tommeliten barnehage. Jugendbyen barnehage er som tidlegare meldt stengt.

Ein nærkontakt har fått påvist Covid-19. Dette medfører karantene hos tilsette og pasientar ved Hessa heimetenestedistrikt.

To personar i relasjon til Brooklyn pub har fått påvist smitte. Brooklyn Pub er stengt.

- Det totale tal på smittetilfelle som er relatert til utbrota ved utestadene Anno/Toldboden i Ålesund nærmer seg no 80. Av desse er 73 busett i Ålesund, seier kommuneoverlege Olav Mestad.