Safe24 i Hovdebygda har kjøpt opp det Ålesund-baserte selskapet Trafikkservice, ifølgje ei pressemelding.
Ørsta-firmaet veks dermed vidare etter å ha lagt bak seg eit rekordår i 2024 med ei omsetning på kring 50 millionar.
Trafikkservice hadde 13 tilsette ifølgje den siste rekneskapen, og dei vil halde fram under Safe24 som eit avdelingskontor i Ålesund.
André Følsvik som er eigar og dagleg leiar i Safe24, tek over som dagleg leiar i Trafikkservice etter John Wikstrøm.
Trafikkservice har sidan 2013 har levert diverse trafikktenester, som trafikkdirigering, arbeidsvarslingsplanar og utleige av trafikksikkerheitsutstyr.
Ålesund-selskapet har omsett for kring ti millionar dei siste åra, og både 2023 og 2022 enda med minusresultat, ifølgje rekneskapane.
Safe24 har sikra fleire større oppdrag i løpet av det siste året. Mellom anna med med Lefdal Mine Datacenter om levering av stasjonært vakthald og trafikkavvikling ved Selvågtunnelen for Aurstad Tunnel.
Publisert: 15.01.2025 11:35
Sist oppdatert: 15.01.2025 11:37
