Ørsting ny Tekna-president

Lars Olav Grøvik frå Ørsta blei valt til ny president i Tekna (Teknisk-naturvitenskapelig forening ) på representantskapsmøtet søndag. Det opplyser fagforeininga i ei pressemelding måndag.

Han har i fleire år vore hovudtillitsvalt for Tekna i Equinor. Han kjem frå Ørsta, men er busett i Bergen.

Grøvik tek over etter Lise Lyngsnes Randeberg som har leia Tekna sidan 2013. Tekna har kring 89.000 medlemmar.