Hans-Børre Fiskaa

Hans-Børre Fiskaa skal bygge opp og leie det nystarta shared service-selskapet i Havila-gruppa. Havila Service AS skal samle ulike tenester innan mellom anna rekneskap, crewing, løn, innkjøp og IT i Havila-selskap som Havila Shipping, Havila Kystruten og Havila Holding. Fiskaa er opprinneleg frå Vanylven, men busett i Ulsteinvik. Hans-Børre Fiskaa har vore tilsett ved Ulstein Verft i snart 32 år. Han var første gong tilsett som økonomisjef i 2003, og dei fire siste åra har han vore både økonomisjef og viseadministrerande direktør. Han har dermed lang og brei erfaring frå skipsbygging og maritim industri.