Marius Engeseth Leine

Marius Engeseth Leine blir ny administrerande direktør i Sebastian As.

34-åringen tek over rolla etter gründeren Johannes Kristian Bjøringsøy frå 1. september i år, ifølgje ei melding frå Ulstein-selskapet.

Bjøringsøy har leia selskapet sidan oppstarten i 1994, og er trygg på at Leine er rett person til å ta bedrifta til nye høgder.

– No står vi ovanfor tunge teknologiske utfordringar, spesielt innan blokkjedeteknologi, kunstig intelligens, autonome skip, cybersikkerheit og mykje anna, og eg er usikker på korleis desse faktorane vil påverke Sebastian. Derfor er det tid for generasjonsskifte der eg trekkjer meg tilbake og slepp yngre krefter til. Nokon som forstår framtida og kan lose Sebastian trygt vidare, uttaler Bjøringsøy.

Leine har allereie opparbeida seg 18-års erfaring i bransjen, både som maskinist og innan verftsindustrien. Han har også jobba i Sebastian i snart fem år.