Meldinga frå president Donald Trump i USA tidlegare i ettermiddag - om ein mogleg 50 prosent toll på varer frå EU - sende aksjemarknaden rett ned, også Noreg.
Det er fallet du ser på grafen over.
I løpet av litt over eit kvarter hadde hovudindeksen på Oslo Børs falle over 1,8 prosent, før marknaden henta inn mykje av det tapte. Då Oslo Børs stengte i ettermiddag var hovudindeksen opp 0,19 prosent i høve til i går og ned 0,7 prosent frå nivået då tollmeldinga frå Trump kom.
I april varsla Trump at EU skulle få 20 prosent toll, som han deretter la på is i 90 dagar, for å gi tid til forhandlingar.
Trump klaga i dag over manglande forhandlingsframdrift med EU og skreiv på sin eigen sosiale plattform, Truth Social, at han difor vil innføre 50 prosent toll på varer bedrifter i EU sel til USA frå 1. juni.
Børstabell for Nordvestlandet:
| Selskap | Kurs i kroner | %-Endring i dag |
| Arctic Bioscience | kr 3,27 | 5,22 % |
| Atlantic Sapphire | kr 6,29 | -8,36 % |
| Endúr | kr 88,60 | 0,57 % |
| Golden Energy Offshore Services | kr 16,85 | -0,88 % |
| Hav Group | kr 7,70 | 3,77 % |
| Havila Kystruten | kr 1,07 | 2,39 % |
| Havila Shipping | kr 1,50 | -4,78 % |
| Hexagon Composites | kr 17,30 | 0,70 % |
| Hexagon Purus | kr 1,47 | 1,10 % |
| Hofseth Biocare | kr 2,28 | 1,33 % |
| Norva 24 Group* | 36,35 kr | 0,00 % |
| Romsdal Sparebank | kr 127,90 | 0,16 % |
| Salmon Evolution | kr 6,08 | 0,66 % |
| Sparebanken Møre | kr 103,00 | 0,39 % |
| * Kurs i SEK | ||
Publisert: 23.05.2025 16:53
Sist oppdatert: 23.05.2025 16:59
