Arbeid til kring halvparten av dei Ekornes-tilsette

Produksjonen ved Ekornes sine avdelingar har gått om lag på halv drift etter påske. Takka vere ordrar på smittevernutstyr har færre enn venta av dei tilsette blitt permitterte.
– Vi produserer det vi har kapasitet til, og køyrer to skift på dei maskinane som aktuelle for det, fortel produksjonssjef Per Kjetil Våtmyr til NETT NO.
Han fortel at mellom 40 og 50 tilsette er i arbeid ved saumavdelingane på Ikornnes og Aure som følgje av ordrar på smittevernfrakkar til Sykehusinnkjøp og munnbind til Janus.

Analyse:

Les også

:

I landstoppen i arbeidsløyse

Etter at koronakrisa slo til for alvor i midten av mars, fekk 990 Ekornes-tilsette varsel om permittering. Det bidrog til at Sykkylven har vore i landstoppen i arbeidsløyse i NAV sin oversikt, men tala har svinga mykje frå veke til veke.
Denne veka er igjen Sykkylven den kommunen i landet med flest heilt ledige som følgje av permitteringar – med 28 prosent av arbeidsstokken, ifølgje (lenke til PDF-fil)
På dei neste plassane følger Hemsedal med 26 prosent, Trysil med 24 prosent og Aurland med 22 prosent.

Les også:

Har teke fleire grep

Ekornes-konsernet har teke fleire grep for å kutta kostnader som følgje av svikt i etterspørselen. Ein har etter påske arbeidd to og tre dagers veke både i produksjonen og administrasjonen.
– Dei fleste tilsette har vore permitterte, og vi produserer no med om lag 50 prosent av kapasiteten. På saumavdelingane har det vore betydeleg lågare del av dei tilsette som er permitterte som følgje av leveransane med smittevernutstyr, seier produksjonsdirektør Ola Arne Ramstad til NETT NO.

Svak auke i marknaden

Kring 90 prosent av produksjonen går til eksport og Ramstad fortel at marknaden framleis er svak.
– Men vi ser at det startar å losne litt enkeltmarknader i Asia, og samtidig er det litt meir positive signal frå enkelte europeiske marknader, seier han.

Les også: