Auka omsetning - litt svakare resultat

PHL Holding-konsernet er 100 prosent eigd av Paul Harald Leinebø frå Leinøy. I fjor omsette konsernet for 424,5 millionar kroner og hadde eit resultat før skatt på 8,7 millionar.

Rekordkjøp
I konsernet inngår blant anna den 58 meter lange kombinerte autoline- og garnbåten Leinebris, som PHL Holding eig 55,53 prosent av. Resten er eigd av Åge og Øyvind Uran med fleire på Averøya.

I fjor fiska båten for 99,6 millionar kroner og hadde eit resultat før skatt på 3,9 millionar kroner.

På tampen av fjoråret kjøpte Leinebris-reiarlaget selskapet Husby Senior på Averøya med ein kvoterett for torsk og hyse. Prislappen var truleg 150 millionar kroner, noko som ifølgje NETT NO var ny rekord.

Selskapet er dermed godt posisjonert for vidare satsing.

I konsernet ligg også PHL Seagold, som driv med kjøp og sal av fisk. Dette selskapet omsette i fjor for 325,5 millionar kroner, og hadde eit resultat før skatt på 5,4 millionar.

PHL Holding har ein samla eigenkapital på 78,1 millionar kroner, og ei langsiktig gjeld på 454,9 millionar.