Auka omsetning, men framleis store tap

Ulstein Group hadde i 2019 ei omsetning på 2,57 milliardar kroner og eit resultat før skatt på minus 262 millionar kroner.
Konsernresultatet blir omtala som svakt, og årsaka er tap på store prototype-prosjekt, skriv selskapet i ei pressemelding.
Inntektene gjekk betydeleg opp frå året før, då omsetninga var på 1,89 milliardar.
Underskotet før skatt er kring 50 millionar mindre enn året før. Driftsresultatet på minus 204 millionar, er på nivå med 2018 (sjå tabell til høgre - under om du les på mobil).
- 2019 var eit krevjande år der omstilling for auka konkurransekraft har vore høgt prioritert. Ulstein har lukkast med å etablere seg i nye marknadssegment med kontraktar innan ekspedisjonscruise, ropax og havvind, men etableringa i nye segment har tatt tid og vore kostbart, uttalar konsernsjef Gunvor Ulstein i meldinga.

Nytt skrog på veg

På verftet har verftsarbeidarane hatt mykje å gjere dei siste månadene på kabelskipet Nexans Aurora. Det har ført til at fleire som tidlegare i år var ute i permisjon, .
Til hausten kjem skroget til eit nytt ekspedisjonsskip til verftet. Systerskipet National Geographic Endurance vart levert i vår, og skrogbygginga er allereie i full gong ved Crist-verftet i Polen.
National Geographic Endurance ligg framleis til kai ved Ulstein Verft, som følgje av koronapandemien.

Les også:

Tøft i cruisemarknaden

Til saman seks ekspedisjonscruiseskip designa av Ulstein for Sunstone Ships, er anten ferdig eller under bygging ved CMHI-verftet i Kina.
- Vi hadde stor tru på cruiseindustrien, men Covid-19 gjer at nye ordrar innan dette segmentet ligg på hald. Vi hadde allereie inngått ei rekkje slike design- og skipsbyggingskontraktar, og gler oss no over å sjå dei mange X-bow-cruiseskipa etter kvart som dei skrir fram i byggeprosessen, kommenterer Ulstein.
Ved CMHI-verftet er også havvindinstallasjonsskipet Alfa Lift for det norske reiarlaget Offshore Heavy Transport, under bygging. Også dette er designa av Ulstein.
Konsernsjefen påpeiker at koronapandemien ikkje ga konsekvensar for 2019-resultatet, men at det er mange usikkerheitsfaktorar framover.
- Kor lang tid det vil ta før cruisenæringa er tilbake i ein normalsituasjon med kontrahering ved norske og utanlandske verft er uvisst, legg Ulstein til.

Les også:

Saka blir oppdatert