Auka sal for holmerestaurant

Magnus Bergseth og Ole Jonny Hjelmeseth bak restaurantsatsinga på Skotholmen i Herøy, omsette for 5,6 millionar kroner i fjor, trass koronautfordringar. Det var ein halv million meir enn året før.

I sommar ser det endå betre ut, opplyser kjøkensjef Bergseth til lokalavisa Vestlandsnytt.

– I fjor var her innom kring 1100 gjestar i juli. Så langt har vi hatt over 1400 i juli i år, og det er før månaden er omme, seier Bergseth til avisa.

(saka held fram etter tabellen)

150 gjestar
Restauranten vart opna i juli 2016, og kan ta imot rundt 150 gjestar i den gamle sjøbuda frå 1847.

Til Vestlandsnytt seier Bergseth at ei av årsakene til gjesteauken denne sommaren er at ein har auka kapsiteten med to bordsett fem dagar i veka.

Kortreist mat
Kami Skotholmen satsar i hovudsak på kortreist sjømat. Blant anna er Sandefisk på Sandshamn stor leverandør av fisk.

I tillegg har restauranten mottaksløyve, og kan ta imot sjømat rett over bryggekanten på Skotholmen, ein holme som ligg rett sør for Remøya.