Auke for Stryn Hotel

Driftsinntektene til Stryn Hotel var attende på 2019-nivå i 2021, etter to år prega av korona, (sjå tabell) og resultatet før skatt vart det høgaste sidan 2016. I år ventar selskapet at drifta vender attende ti normalen frå før koronapandemine, ifølgje årsmelding til eigarselskapet.

Hotellselskapet sysselsette 14 årsverk i fjor, opp frå 12 i 2020.

Selskapet er tradisjonelt retta mot turistmarknaden om sommaren og nedskalerer drifta og er retta mot forretningsmarknaden i vinterhalvåret.

Eig to hotell
Stryn Hotel er det største hotellet i Vest Hotell Holding-konsernet, som er eigd 50/50 av Ole Kristian Nedberg og Leif Flemming Bakke.

Det andre hotellet i konsernet er Lærdal Hotell, som er eit sommarhotell retta mot turistmarknaden.

Hotellet i Lærdal fekk meir enn halvert driftsinntektene frå 2019 til 2020. I fjor pussa hotellet opp og utvida, noko som reduserte kapasiteten i deler av året. Likevel auka driftsinntektene og underskotet krympa.