Axxis i dialog om ny kriseløysing

Axxis Geo Solution har ikkje nok oppdrag og klarer ikkje takle gjeldsforpliktingane sine. Selskapet har difor innleia dialog med ulike interessentar for å betre den økonomiske situasjonen.
Det opplyser Axxis-sjef Ronny Bøhn i ei sendt ut måndag kveld, der kvartalsresultata også blir presentert (sjå tabell til høgre – under om du les på mobil).
Både inntektene og resultatet var betre etter 3. kvartal i år, samanlikna med i fjor.

Må hente ny kapital

Selskapet opplyser at dei er i samtaler med dei største kreditorane for å kome fram til ein plan for restrukturering av økonomien og innhenting av ny kapital. Eksisterande aksjonærar må rekne med å bli utvatna som følgje av eit slikt grep.
Ved børsslutt måndag var 0,83 kroner per aksje, som verdset selskapet til om lag 45 millionar kroner.
Største aksjonær i selskapet er Havila Holding, med 26,4 prosent av aksjane. Roger Halsebakk sitt investeringsselskap Ronja Capital er nest størst, med 3,5 prosent.

Fleire prosjekt er utsett

Per i dag har dei berre sikra ei kontrakt for oppdrag på ein månad i Nordsjøen med oppstart i 2. kvartal neste år, og manglar arbeid for mannskapet for resten av 2020 og starten av 2021.
Årsaka er at fleire prosjekt er utsett og det er teke grep for å minimere kostnadene. Tidlegare i år varsla selskapet at dei kuttar fleire stillingar.
Selskapet har nyleg avslutta oppdrag i Egypt og Norge i tråd med det som var planen.