Børsdagen: Skulle hatt konkurrentar med suksess

Andre si ulukke er neppe eiga lukke for Salmon Evolution-aksjonærane.

I dag fall aksjekursen i det landbaserte oppdrettselskapet Gigante Salmon i Nordland med heile 19,17 prosent, etter at selskapet varsla at det planlagte anlegget til selskapet blir 350 millionar kroner dyrare enn venta. Selskapet trenge pengepåfyll og toppsjefen blei skifta ut på dagen.

Les børsmelding om kostnadssprekken her

Les børsmelding om sjefsskiftet her

Hittil i år har Gigante Salmon-kursen falle 44 prosent.

Atlantic Sapphire, som driv landbasert oppdrett ved Miami i Florida har ein lang liste med trøbbel, og aksjekursen har falle 48 prosent i år og 85 prosent siste 12-månadarsperiode.

Salmon Evolution driv landbasert oppdrett i Indre Harøy i romsdal, og har fleire investorar på Nordvestlandet på eigarsida.

Selskapet har klart seg langt betre enn dei to konkurrentane, både i byggeprosess og produksjonsfase, og også på børsen.

Kursen er ned 5,75 prosent i år. Men truleg kunne det har vore ein opptur også på børsen, og det ikkje var for den tvilen til landbasert oppdrett som historikken til Atlantic Sapphire og Gigante Salmon har skapt.