Før børsen stengte onsdag melde Havila Shipping at dei hadde fått på plass eit obligasjonslån på 525 millionar kroner.
Nettprovenyet frå lånet skal bli lånt vidare til dotterselskap i Havila Shipping for å betale tilbake 500 millionar kroner i gjeld med forfall 30. desember 2024.
Ifølgje børsmeldinga er det snakk om eit to-års sikra førsteprioritets obligasjonslån som blir utskriven av Havila Finans AS.
Grepet blei varsla for nokre dagar sidan og meldinga gjorde ikkje utslag på kursen til Herøy-reiarlaget som enda med eit lite fall på 0,66 prosent til 2,25 kroner.
Kursen har peike jamt ned i haust og Havila Shipping er ikkje ferdig med refinansieringar ved komande årsskifte.
Alle vilkåra i refinansieringsavtalen frå 2020 først blir oppfylt innan årsskiftet 2025/2026. Eksisterande eigarar, med unntak av hovudaksjonæren Havila Holding, blir då kraftig utvatna når gjeld blir gjort om til aksjar.
Les også
Golden Energy Offshore blei dagens vinner av aksjane frå Nordvestlandet, medan Atlantic Sapphire var i andre enden av skalaen.
Hovudindeksen enda flatt med ein oppgang på 0,04 prosent til 1447,70 poeng.
Børstabell for Nordvestlandet:
| Selskap | Kurs i kroner | %-endring i dag |
| Golden Energy Offshore Services | kr 20,20 | 7,16 % |
| Salmon Evolution | kr 6,86 | 3,78 % |
| Romsdal Sparebank | kr 123,22 | 1,83 % |
| Hexagon Composites | kr 47,45 | 0,85 % |
| Endúr | kr 68,00 | 0,15 % |
| Hav Group | kr 6,30 | -0,32 % |
| Norva 24 Group* | 29,10 kr | 0,00 % |
| Havila Shipping | kr 2,25 | -0,66 % |
| Hofseth Biocare | kr 1,25 | -0,79 % |
| Sparebanken Møre | kr 90,20 | -1,30 % |
| Havila Kystruten | kr 0,68 | -2,29 % |
| Hexagon Purus | kr 5,75 | -3,36 % |
| Arctic Bioscience | kr 1,98 | -3,88 % |
| Atlantic Sapphire | kr 0,10 | -7,17 % |
| * Kurs i SEK | ||
Publisert: 11.12.2024 17:25
Sist oppdatert: 11.12.2024 17:25
