Sjå børstabell for Nordvestlandet under saka
Havila Shipping og Golden Energy har den beste dagen på Oslo børs av selskapa frå Nordvestlandet onsdag.
Ein halvtimes tid før stengetid hadde dei to reiarlaga ein verdiauke på nær 8,85 og 6,70 prosent i løpet av dagen. Begge fall litt tilbake rett før slutt.
Utviklinga kan ha samanheng med oljeprisen som har stige til over 75 dollar fatet dei første dagane av året.
Etter å ha vore over 85 dollar fatet i fjor sommar, sank prisen utover hausten. Frå november og ut fjoråret låg prisen under 75 dollar.
Kursen for dei to offshorereiarlaga Havila Shipping og Golden Energy har stort sett peika nedover i den same tida, forutan i haust då sistnemnte svinga oppover ein kort periode.
Arctic Bioscience som har vore vinnaren av selskapa frå Nordvestlandet tidlegare i veka, fall litt tilbake onsdag. Ved 16-tida var kursen ned kring 2,4 prosent.
Børstabell for Nordvestlandet:
| Selskap | Kurs i kroner | %-endring i dag |
| Golden Energy Offshore Services | kr 20,70 | 6,70 % |
| Havila Shipping | kr 1,60 | 5,68 % |
| Havila Kystruten | kr 0,93 | 4,94 % |
| Hav Group | kr 6,30 | 1,29 % |
| Hofseth Biocare | kr 1,86 | 0,82 % |
| Sparebanken Møre | kr 94,95 | -0,18 % |
| Romsdal Sparebank | kr 125,42 | -0,30 % |
| Salmon Evolution | kr 6,58 | -0,30 % |
| Norva 24 Group* | 26,00 kr | -0,95 % |
| Hexagon Composites | kr 42,40 | -1,28 % |
| Endúr | kr 66,80 | -1,91 % |
| Atlantic Sapphire | kr 0,09 | -2,22 % |
| Arctic Bioscience | kr 2,42 | -2,42 % |
| Hexagon Purus | kr 5,07 | -3,24 % |
| * Kurs i SEK | ||
Publisert: 08.01.2025 15:54
Sist oppdatert: 08.01.2025 16:52
