Børsdagen: Raud avslutning på turbulent veke

Det har vore ei travel veke på Oslo Børs, og fleire selskap har gjort det dårleg enn godt.

Under emisjonskurs for Havila Kystruten
Etter meldinga om emisjon mandag kveld, har aksjekursen kollapsa fullstendig. Fredag ettermiddag ligg kursen på 1,04, som er under emisjonskursen på 1,10 per aksje.

Med ein nedgang på 9,96% er Havila Kystruten dagens børstapar frå nordvest.

Denne veka er kursen totalt ned 82,4%.

Hexagon utsteder kompensasjonsaksjar
Fredag morgon sende Hexagon Composites ut nyhenda om at dei vil utstede opptil 73.106 aksjar, såkalla Performance Share Units, eller PSU-ar. Aksjane er ein del av kompensasjonsprogrammet til leiinga i selskapet, og Mottakar av aksjane er COO Hans Peter Havdal.

Den moglege aksjeutstedelsen er eit egenkapitalinstrument, og derfor meldepliktig.

Administrerande direktør i Hexagon Composites, Jon Erik Engeset, fortel over telefon til NETT NO at kompensasjonsprogrammet går over tre år, og at om ein når minimumsmåla vil dette løyse ut halvparten av den melde kompensasjonen. Eigenkapitalen tilsvarande kompensasjonen vil då konserterast til aksjar og delast ut..

Det nøyaktige talet på aksjar som utstedast vil derfor bli fastsett og "utbetalt" i 2026, med bakgrunn i korleis selskapet har gjort det i perioden.

I dag avslutta Hexagon Composites børsveka med ein nedgang på 1,57%, og ein aksjekurs på 26,30.

Statt torsk dagens vinnar
Dagens børsvinnar frå nordvest blei Statt Torsk, som etter ein tung vår har hatt ei god veke, og er opp 7,55% sidan børsslutt forrige fredag.

Saka er endra etter børsslutt, og det oppdatert med dagens endelege aksjekursar.