Atlantic Sapphire fisketank bluehouse foto Atlantic Sapphire 11
OPPDRETT I USA: Atlantic Sapphire driv landbasert oppdrett i den amerikanske delstaten Florida, men har hovudkontoradresse i Vestnes. Foto: Atlantic Sapphire
Nytt

Børsdagen: Spretten optimisme for laks på land

Lakseoppdrettar vart dagens vinnar frå nordvest.

Marius Rosbach
28.05.2024

Sjå børstabell for Nordvestlandet under

Atlantic Sapphire fekk kanskje nyte godt at ein artikkel i Finansavisen tysdag, med tittelen «Comeback for lakseoppdrett på land».

Saka fortalde at optimismen til fordel for landbasert oppdrett var tilbake, og fleire aksjar har stige den siste tida.

Utover tysdagen steig mellom anna Atlantic Sapphire-aksjen med over ti prosent. Sluttkursen på 1,20 kroner er samtidig langt under nivået frå inngangen av året, for selskapet som driv landbasert oppdrett i amerikanske Florida.

Også Salmon Evolution som driv landbasert lakseoppdrett på Indre Harøy i Romsdalen fekk ein opptur på drygt to prosent. I løpet av tysdagen, var aksjen nær ved å bikke åtte kroner for første gong sidan i fjor vår.

Sluttkursen enda litt under på 7,89 kroner.

Hexagon Purus og Hexagon Composites var to andre selskap frå regionen som hadde ein god dag. Begge aksjane har fleire dagar med oppgang bak seg og ligg an til ei sterk avslutning på mai.

Også Havila Kystruten som kjem med kvartalstal komande torsdag, hadde ein god dag på børsen av selskapa frå regionen.

Hovudindeksen på Oslo børs gjekk svakt ned og slutta på 1433,82 poeng.

Børstabell for Nordvestlandet:

Selskap Kurs i kroner %-endring i dag
Atlantic Sapphire kr 1,20 10,07 %
Havila Kystruten kr 1,05 9,38 %
Hexagon Composites kr 26,85 6,97 %
Hexagon Purus kr 8,84 6,12 %
Havila Shipping kr 5,30 3,72 %
Hav Group kr 11,55 3,13 %
Golden Energy Offshore Services kr 35,01 2,65 %
Salmon Evolution kr 7,89 2,07 %
Norva 24 Group* kr 29,00 0,17 %
Romsdal Sparebankkr 1100 %
Sparebanken Møre kr 84,55 -1,19 %
Endúr kr 51,70 -2,27 %
Hofseth Biocare kr 2,10 -2,33 %
Arctic Bioscience kr 9,65 -5,39 %
* Kurs i SEK

Publisert: 28.05.2024 17:17

Sist oppdatert: 28.05.2024 17:17

Mer om