Børsdagen: Subsea 7 blir halvt italiensk

Det samanslåtte selskapet skal heite Saipem 7, skriv Subsea 7 i ei børsmelding som blei sendt ut i går kveld.

Saipem 7 skal eigast 50/50 av Subsea 7- og Saipemaksjonærane og vere børsnotert både i Oslo og Milano. Tilsaman har dei to selskap ha ei ordrebok på 43 milliardar euro,  årleg inntekt på 20 milliardar euro og 45.000 tilsette verda over. Ved å slå seg saman og samordne verksemdene sine kan det samanslåtte selskapet hente ut samanslåinggevinstar på 300 millionar euro årleg, tre år etter samanslåinga, ifølgje børsmeldinga.

På Nordvestlandet er Subsea 7 mest kjent for spolebasen på Vigra, der selskapet sveisar saman rør som blir lasta ombord i selskapet sin skip og frakt ut dit dei skal leggast. Spolebasen på Vigra er 3,7 kilometer lang frå kaia ytterst i Gjøsundet til den andre enden inne på øya.

Før seklskapa kan slå seg saman må planen gjennom både selskapa sine styrandre organ og godkjennast av styresmaktene.

Subsea 7 har ei flåte på 50 fartøy som arbeider for olje,- gass og vindkraftbransjen, med mellom anna konstruksjon- og rørleggingsoppdrag.

Aksjekursen spratt opp frå 182 til 198,2 kroner straks børsen opna i dag, men begeistringa over samanslåingsplanan fall gradvis utover dagen. Då børsen stengte var Subsea 7-kursen 187  kroner aksjen. Det er opp 2,97 prosent sidan fredag i førre veke.

Artikkelen er oppdatert, mellom anna med aksjekursar til børsnoterte selskap på Nordvestlandet, etter at børsen stengte i ettermiddag.