Bank kuttar ni lokalkontor

Færre besøk på kontora fordi kundane heller brukar nettbank og andre digitale tenester, er grunnen til nedleggingane.
23 tilsette blir berørt av nedleggingane, men ingen kjem til å misse jobben, skriv Dagens Næringsliv.
Kontora skal leggast ned i løpet av første halvår 2017.

Råkar hovudkontoret

I første omgang er det lokalkontora som blir lagt ned, i neste omgang kjem overgangen til bruk av digitale tenester også til å berøre hovudkontor og stabsfunksjonar, går det ffam av ei pressemelding banken sende ut i etterkant av kvartalsrapporten for 3. kvartal 2016.

- Finansnæringa står overfor store endringar og omstillingar i åra som kjem, og Sparebanken Sogn og Fjordane er ikkje noko unnatak. Banken har effektivisert drifta kontinuerlig over mange år, samstundes som kundane sin bruk av kontora gradvis også har endra seg. Vi ser at utviklinga går stadig raskare, og er komme til at det er rett å tilpasse kontordistribusjonen no, seier administrerande direktør Trond Teigene

Hentar inn kapital

Samstundes som kuttar kostnadar ved å legge ned kontor arbeider den med å hente inn meir eigenkaptilat for å innfri kapitalkrava frå styresmaktene og sikre seg grunnlag for å kunne vekse vidare.

Vil ikkje kutte

Etter at DNB tidlegare i år varsla at banken skulle avvikle kontoret på Nordfjordeid, sa både Nordea og Sparebanken Møre at dei ville oppretthalde lokalkontora på Nordvestlandet.

-Vi er den største banken her i fylket, og har fulgt diskusjonen rundt nedleggelse av bankkontor i Norge med stor interesse. For vår del vil bankkontorene fortsatt være en sentral møteplass mellom oss og kundene våre. Det er er viktig for oss å ha kontornettet, og det er strategien vi har lagt for de kommende årene, sa banksjef i Sparebanken Møre Ålesund, Merete Wiig til NETT NO i februar i år.