Betre enn venta for Sparebanken Sogn og Fjordane

I første kvartal auka Sparebanken Sogn og Fjordane tapsavsetningane med 80 millionar kroner.

- Vi har ikkje auka tapsavsetningane etter det, seier administrerande direktør Trond Teigene i banken.

Les også: Bur seg på koronatap

Mange klarer seg bra
Rett etter at koronaepidemien kom frykta Teigene at problema for næringslivet ville auke på utover i 2020, men slik gjekk det ikkje.

Les børsmelding med kvartalsrapport her

- Veldig store deler av næringslivet i Sogn og Fjordane klarer seg veldig bra, seier han.

Unntaket er mange, men ikkje alle, i reiselivsnæringa og i kultur- og underhaldningsbransjen. Deler av handelsnæringa har hatt svært gode tider, medan andre har fått det tøffare, ifølgje Teigene.

(saka held fram under)

Lite smitte
Med unntak av utbrotet av smitte hos arbeidsstokken til skipsverftet til Havyard Group i Hyllestad har Sogn og Fjordane hatt lite koronasmitte, og det har medverka til at næringslivet i Sogn og Fjordane har greidd seg godt under koronakrisa, etter Teigene si vurdering.

Banken har auka utlåna med 6,9 prosent i privatmarknaden og 9,1 prosent til bedrifter og offentleg sektor dei siste 12 månadane. Det er ein auke frå høvesvis 6,6 og ni prosent etter tredje kvartal 2020.

Les meir: Låner ut meir, tener mindre

Etter 2019 delte banken ut 90 millionar kroner i gåver og utbytte. Etter 2020 gjer styret framlegg om å dele ut 129 millionar kroner i utbytte og gåver.