Når fiskeri- og havminister Bjørnar Skjæran i dag opnar Nor-Shipping 2022 i Lillestrøm, er det etter tre år med venting. Korona sette stoppar for 2021-utgåva, og årets store messe skulle eigentleg arrangerast i januar, men vart utsett på ny.

Det er dermed ekstra stor spenning til Nor-Shipping 2022, der grøn skipsfart og berekraftig havøkonomi står høgt på agendaen.

– Norge er ein betydelig maritim nasjon og leier an i overgangen til grøn skipsfart. Eg ser fram til å møte framoverlente bedrifter og kunnskapsmiljø under årets Nor-Shipping, seier Skjæran i ei pressemelding.

Mange frå nordvest
Der kan han møte også mange bedrifter som har tyngdepunktet på Nordvestlandet. 47 bedrifter frå Nordvestlandet stiller med eige stand (sjå oversikt nederst). Nokre er gjengangarar, nokre er med for første gong.

Der skal dei kjempe om merksemda med utstillarar frå 33 land. I tillegg har fleire land eigne utstillarpaviljongar, som Tyrkia, Danmark, Tyskland, Spania, USA, Storbritannia, Japan og Nederland.

Her er heile lista over utstillarar

Årets Nor-Shipping er det første store internasjonale arrangementet for havvindindustrien sidan pandemien starta.

- Viktigaste nokon gong
Direktør Sidsel Norvik for Nor-Shipping seier i ei pressemelding at Nor-Shipping utgjer ei sårt tiltrengt plattform der aktørar kan møtast, dele kunnskap og byggje partnerskap for å kunne takle både mulegheitene og utfordringane som ventar i horisonten.

– Eg ser stort fram til å ønske verda velkomen til det eg trur kjem til å bli det viktigaste Nor-Shipping-arrangementet som er avvikla nokon gong, swier Norvik.

Kunnskapsdeling står sentralt i Nor-Shipping. Ballet vert sparka i gang med opningskonferansen Ocean Leadership Conference der tidlegere statsminister og generalsekretær i NATO, Anders Fogh Rasmussen deltar, blant anna saman med Kitack Lim, generalsekretær IMO, Kjerstin Braathen, administrerende direktør DNB og Håkan Agnevall, administrerende direktør Wärtsilä Corporation.

Brakar laust etter tre års venting

Les også

Mer om