Brunvoll passerte milliarden

For første gong i historia passerte i fjor Brunvoll-konsernet i Molde over ein milliard kroner i omsetning. Totalt stoppa omsetninga på 1095 millionar kroner, opp frå 812 millionar kroner året før.
Resultatet før skatt enda på 17 millionar kroner, mot minus 15 millionar i 2018.

Volda-pluss

Brunvoll-konsernet har dotterselskap i Volda, Dalen og USA, og spesielt girprosenten Brunvoll Volda hadde eit godt år i fjor.
Av årsreknskapen går det fram at Brunvoll Volda hadde eit resultat på 18,3 millionar kroner, medan Brunvoll Mar-El i Dalen hadde eit resultat på minus 1,6 millionar kroner.
Brunvoll er elles store på thrustersystem og styringssystem.

Prispress

Totalt hadde konsernet 305 tilsette ved årsskiftet, i tillegg til 27 lærlingar.
I årsreknskapen går det fram at ordreinngangen i 2019 var litt lavare enn normalt, men at ein forventa at dette ville normalisere seg i 2020.
Det vert også meldt om sterkt prispress, men at den svake norske krona hjelper på.
Mesteparten av produksjonen til Brunvoll går til eksport.

Storkontrakt

I mars i år melde selskapet ein storkontrakt med verda største skipsverft, Hyundai Heavy Industries i Sør-Korea, som hadde bestilt thrustersystem frå Brunvoll til byggingen av tre nye shutteltankarar for det malayiske reiarlaget AET.
Brunvoll opplyste då at kontrakten fyller godt opp produksjonskapasiteten til Brunvoll ved fabrikken i Molde ettersom hovedtyngden av ordren skal produserast og leverast i 2020.