Møre og Romsdal fylkeskommune og kommunane i fylket får kring 215 millionar kroner ekstra som følgje av avtalen på Stortinget om neste års statsbudsjett.
Sjå kor mykje kvar kommune får under saka
I tillegg kom det ekstraløyvingar til mellom anna Ishavsmuseet Aarvak på éin million kroner og 2,5 millionar til Runde Miljøsenter.
Sjekk tala og dei skriftlege punkta i avtalen (ekstern lenke).
Fylkeskommunen får drygt 65 millionar kroner ekstra å rutte med i overføringar frå staten.
Vil vurdere å styrke tilbod
Tysdag denne veka skal fylkesutvalet møtast for årets siste gong i forkant av fylkestinget sitt budsjettmøte onsdag.
Fylkesordførar Anders Riise (H) fortel at det kan gi opning for å styrke nokre tilbod i det fylkeskommunale budsjettet for 2026.
– Vi har prioritert å halde eit stramt budsjett, men vil sikkert sjå om det er noko vi kan styrke, seier han til Nett No.
Riise meiner alternativa i hovudsak er å sette pengane på disposisjonsfond eller framtidige investeringsfond, slik at dei kan sleppe unna med mindre lån ved neste større prosjekt.
Vil behalde hurtigbåtrute
Eit fleirtal i fylkesutvalet gjekk i førre møte mellom anna inn for å behalde hurtigbåtruta mellom Ålesund og Hamsund. I staden vil dei ha ruta ut på nytt anbod.
Fylkestinget skal ta endeleg avgjerd om budsjett og økonomiplan i sitt møte onsdag.
Sjekk sakspapira her (ekstern lenke)
Tabell som viste kor mye ekstra kommunane i Møre og Romsdal får i millionar:
Publisert: 08.12.2025 11:08
Sist oppdatert: 08.12.2025 11:08
