Børsdagen: Atlantic Sapphire treng påfyll igjen

Produksjonen, slaktevekta, kvaliteten og prisen på laksen frå Atlantic Sapphire sitt landbaserte oppdrettsanlegg ved Miami i USA auka frå 2024 til 2025, skriv selskapet til ei børsmelding.

Men det auka ikkje nok til å hindre at selskapet treng påfyll av 15-25 millionar dollar (144-244 millionar kroner) for å halde det gåande fram til produksjonen og lønsemda er stor nok, ifølgje den same meldinga.

«Styret og leiinga er i dialog med dei største aksjonærane i selskapet om mogelege finansieringsalternativ. Selskapet held fram med å ha fokus på vidare driftsforbetringar, disiplinert kontantstyring og gjennomføring av fase 1‑planen.», heiter det i børsmeldinga.

Atlantic Sapphire har hovudkontoradresse på Vikebukt i Vestnes kommune, men har all sin aktivitet i USA. Selskapet er langt etter sine opphavleg planar, og arbeider framleis med å få opp produksjonen i første byggesteg.

Ei rekkje kapitalutvidingar har mellom anna gjort at grunnleggarane Johan Andreassen og Bjørn-Vegard Løvik blei heilt utvatna.

For fem år sidan var kursen over 40.000 kroner aksjen. Før børsen opnar i dag er kursen 6,40 kroner aksjen. Den kursen verdset selskapet til 229 millionar kroner.. Så seint som 21. august i fjor var den 11,49 kroner aksjen, men har sidan falle.

Børstabell for Nordvestlandet: