Børsdagen: Berre kursdupp etter evakuering

Sjå børstabell for Nordvestlandet under

Varmgang i ein elektromotor om bord på Havila Polaris, verka etter kort tid å gi større utslag på aksjekursen til Havila Kystruten onsdag.

Før hendinga blei kjent låg kursen – som den i stor grad har gjort siste månaden – like under ei krone aksjen.

Etter at nyheita om evakueringa av fleire enn 400 personar starta å spreie seg, duppa kursen nedover fleire prosent. Men før stengetid henta den seg inn att.

Sluttkursen på 0,95 kroner er ned berre ein halv prosent frå dagen før.

Onsdag hadde skipet fått mellombels løyve til å segle til Ålesund. Den vidare avgangen derifrå vil bli forseinka, opplyser reiarlaget i ei melding onsdag ettermiddag.

Då systerskipet Havila Pollux måtte avbryte reisa grunna ein teknisk feil med ein motor i fjor haust, fall aksjekursen over ti prosent til ny botnnotering. Sidan har det gått litt opp, men reiaraksjen har berre éin gong i år vore verdt meir enn ei krone aksjen.

Sluttkursen onsdag tilseier ein børsverdi på drygt 800 millionar kroner.

Hexagon Purus og Hexagon Composites var i topp og botn på børstabellen for selskapa frå Nordvestlandet. over ei krone

Hovudindeksen på Oslo børs fall til 1440,21 poeng.

Børstabell for Nordvestlandet