Børsdagen: Berre to i pluss på blytung dag

Fredag vart ein blytung dag på Oslo børs. Hovudindeksen fall midt på dagen og var ved 13-tida ned 3,08 prosent.

Fasiten då handelen slutta var eit fall i hovudindeksen på 2,93 prosent til 1.141,95.

To i pluss frå nordvest
Solstad Offshore var høgst oppe på taparlista. Equinor var det mest omsette selskapet for dagen og fall med 3,07 prosent.

Berre Hofseth Biocare og Golden Energy Offshore enda med grøne tal av selskap frå Nordvestlandet.

Sjå børstabell for Nordvestlandet under

Også den norske krona svekker seg kraftig. Fredag ettermiddag kosta ein dollar 10,50 kroner.

Ved børsslutt vart eit fat nordsjøolje omsett for i overkant av 73,7 dollar, ned 2,28 prosent i løpet av dagen.

Bankuro årsaka
Det er bankuroa som er hovudårsaka til det siste kursfallet. Siste banken det er uro rundt er den tyske storbanken Deutche Bank. Fredag ettermiddag hadde Deutsche Banks aksjar stupt nesten 9 prosent på Frankfurt-børsen.

Dei to store amerikanske bankane Silicon Valley Bank og Signature Bank kollapsa i byrjinga av mars. Sidan har bølgjer av uro prega den globale finansmarknaden. For ei veke sidan kollapsa den sveitsiske storbanken Credit Suisse og vart raskt kjøpt opp av rivalen UBS.

Dei tonegivande børsane i Europa fell òg fredag.

FTSE 100-indeksen i London hadde falle med 1,52 prosent i 16.30-tida, medan den tyske DAX-indeksen hadde falle med 1,97 prosent. I Paris fall CAC 40-indeksen med 1,99 prosent.

Børstabell for Nordvestlandet: