Børsdagen: Bratt dag for lakseoppdrett

Sjå børstabell for Nordvestlandet under saka 

Veka starta med brei nedgang på Oslo børs måndag. Mykje handla om president Donald Trumps sine utspel om nye tollbarrierar og frykten for konsekvensane. 

Hovudindeksen på Oslo børs neda ned 1,1 prosent og bikka under 1500 poeng. Slutt noteringa vart 1498,93 poeng. 

Atlantic Sapphire er mellom selskapa som er direkte råka ettersom selskapet hovudsakleg kjøpet fôret sitt frå Skrettings fabrikkar i Canada – som no får 25 prosents toll til USA - der selskapet driv lakseoppdrett. 

Det aukar kostnadene betydeleg. I ei børsmelding måndag opplyste Atlantic Sapphire at dei vil vurdere alternativ for å dempe verknadane av tollen, mellom anna å finne fôrleverandørar frå andre land. 

Selskapet har også sikra ein kortsiktig avtale om å leige ut eit anlegg i Danmark, som tidlegare blei råka av brann. No skal Maiken Foods leige anlegget der dei vil førebu ein pilot for landbasert oppdrett i stor skala, ifølgje ei børsmelding.

Atlantic Sapphire-aksjen falt meir enn 8,6 prosent i løpet av dagen til under 13 kroner aksjen. Sluttkursen vart 12,70 kroner. Det gjorde selskapet til børstaparen av dei noterte selskapa frå Nordvestlandet måndag. 

Også fleire andre sjømataksjar som Grieg Seafood, Mowi og Salmar fall i løpet av dagen.

USA vil innføre 25 prosent toll mot nabolanda Canada og Mexico og 10 prosent toll mot varer frå Kina. Tidlegare har den amerikanske presidenten sagt at han også skal innføre toll mot EU, som i sin tur har varsla at det i så fall kjem mottiltak.

Arctic Bioscience vart dagens vinnar frå Nordvestlandet med ein oppgang på meir enn seks prosent til 3,34 kroner aksjen. 

Børstabell for Nordvestlandet: