Børsdagen: Fall etter utdeling til eigarane

Sjå børstabell for Nordvestlandet under

Sparebanken Møre vart torsdagens børstapar frå Nordvestlandet etter at generalforsamlinga godkjente utdelinga av utbytte til eigarane dagen i forvegen.

Banken deler ut 371 millionar til eigarane av eigenkapitalbevisa etter det gode fjoråret – og eit verdifall i etterkant er ei naturleg utvikling.

Verdien for eigenkapitalbevisa til banken slutta dagen på 85 kroner - eit fall på drygt åtte prosent.

Generalforsamlinga vedtok i tillegg å sette av 376 millionar kroner i utbyttemidlar til lokalsamfunnet. Av desse skal 150 millionar overførast til ei ny stifting – om denne får ei formell godkjenning frå Finanstilsynet.

Havila Shipping-reiarlaget hadde ein god dag på børsen og vart vinnaren av selskapa frå regionen.

Aksjen gjekk opp meir enn 14 prosent i løpet av dagen og bikka seks kroner for første gong sidan desember i fjor. Aksjen fall frå kring ti kroner i fjor haust, og har halde fram med å falle til starten av mars.

Golden Energy Offshore-reiarlaget melde om to korte kontraktar i løpet av torsdagen, og fekk eit løft mot slutten av dagen. Kursen slutta opp kring 2,2 prosent til 1,625 kroner.

Børstabell for Nordvestlandet: