Børsdagen: Fin dag for Hexagon-selskapa

Hexagon Purus opna måndag sin nye fabrikk i Westminster, Maryland i USA. Her skal rundt 150 tilsette produsere rundt 10.000 hydrogentankar årleg.

Hexagon Purus lagar tankar og system for bruk av hydrogen som energiberar i bilar, bussar, tog, skip og for anlegg og industri.

Ved fabrikken skal det også skje forsking og utvikling for Hexagon Purus.

Aksjen steig 4,08 prosent til 26,54 kroner.

Stor kontrakt
Største eigar i Hexagon Purus er Hexagon Composites, begge med hovedkontor i Ålesund.

Hexagon Composites melde på si side laurdag at selskapet sitt dotterselskap Hexagon Agility har signert ein kontrakt på 253 millionar kroner med selskapet Certarus. Hexagon Agility skal levere nyutvikla gasstankar av typen Titan 450 for transport av komprimmert naturgass gjennom Nord-Amerika.

Hexagon Composites-aksjen steig måndag 3,09 prosent til 34,00 kroner.

Spår nesten dobling
Måndag fortsette fleire av offshoreselskapa oppturen etter at Pareto Securities kom med ei kjøpstilråding på Solstad Offshore med kursmål 80 kroner. Aksjen steig 10,14 prosent til 45,60 kroner, medan Havila Shipping-aksjen steig 6,42 prosent til 21,55 kroner.

Nortel stupte vel 14 prosent, men i liten handel.

Oslo Børs enda måndag ned 0,34 prosent. Eitt fat nordsjøolje vart ved børsslutt handla til 85,55 dollar, ned 0,58 prosent.