Sjå børstabell for Nordvestlandet under saka
Gods- og passasjerruta mellom Bergen og Kirkenes er eit statsstøtta samband, der reiarlaga Havila Kystruten og Hurtigruten får eit såkalla vederlag for staten for å trafikkere strekninga - i tillegg til inntektene dei sjølve klarer å skaffe. Havila Kystruten trafikkerer strekninga med fire skip.
Vederlaget er indeksregulert. I ei børsmelding skriv Havila Kystruten at selskapet har fått auka vederlaget med 76 millionar kroner, fordelt på 50 millionar kroner for åra før 2025 og 26 millionar kroner for i år. Reguleringa vil også gjelde for komande år. Selskapet presiserer samstundes at tala er avhengig av endeleg saldering av statsbudsjettet.
Kraftig betring av driftsresultatet
Auken er medrekna i anslaget for tredje-kvartalsresultatet, skriv Havila Kystruten i meldinga.
For tredje kvartal 2025 ventar Havila Kystruten eit driftsresultat før av- og nedskrivingar (ebitda) på 225 millionar kroner. Til samanlikning var ebitda 79 millionar kroner i andre kvartal og 11 millionar kroner i første kvartal i år.
Tredje kvartal er til vanleg det mest lønsame perioden. Ebitda-resultatet for tredje kvartal i fjor enda på 128 millionar kroner.
Steig på børs
Havila Kystruten-aksjen steig etter nyheita måndag morgon. Sluttkursen enda på 1,28 kroner - opp nær to prosent i løpet av dagen - og over 80 prosent så langt i år.
Kursen verdset selskapet til 1,1 milliardar kroner. Selskapet vart børsnotert i 2021 og på topp - i januar 2022 - var kursen over 25 kroner aksjen.
Kan få betre betalt
Revisjonen av vederlaget til reiarlaget er ikkje ferdig og det kan bli meir, ifølgje børsmeldinga:
«Foreløpig resultat av revisjonen er innarbeidet i Q3-estimatet. Det pågår en prosess med SSB om to metodiske avklaringer som kan gi ytterligere positiv effekt. Disse forventes avklart i nær fremtid, med økonomisk oppgjør i 2026», skriv Havila Kystruten.
Børstabell for Nordvestlandet:
| Selskap | Kurs i kroner | %-endring i dag |
| Arctic Bioscience | kr 3,72 | 0,81 % |
| Atlantic Sapphire | kr 7,55 | -0,20 % |
| Endúr | kr 85,70 | -2,06 % |
| Golden Energy Offshore Services | kr 19,95 | -0,25 % |
| Hav Group | kr 6,80 | -0,29 % |
| Havila Kystruten | kr 1,28 | 1,99 % |
| Havila Shipping | kr 1,40 | -1,06 % |
| Hexagon Composites | kr 12,26 | -4,67 % |
| Hexagon Purus | kr 1,52 | 0,00 % |
| Hofseth Biocare | kr 1,80 | -3,75 % |
| Tinde Sparebank | kr 122,00 | 0,02 % |
| Salmon Evolution | kr 5,31 | 0,95 % |
| Sparebanken Møre | kr 106,00 | -1,74 % |
Publisert: 22.09.2025 08:53
Sist oppdatert: 22.09.2025 16:51
