Hexagon Purus har tidlegare spådd ein inntektsvekst på minst 50 prosent i 2024 samanlikna med året før. Fasit ble ein vekst på 42 prosent.
Det er oppdrag som skulle fullførast i fjor som først blir ferdig i år, og at kontraktar for 2024 er flytta til i år, som er årsaka til at veksten ikkje blei så høg som venta. Det fortel selskapet i ei børsmelding.
Børsmeldinga er eit resultatvarsel før eit meir fullstendig kvartalsrekneskap blir lagt fram 11. februar.
I dag fall kursen i Hexagon Purus med 24,48 prosent, til 3,10 kroner aksjen. Det er ny botnrekord. Kursen verdset selskapet til 1,3 milliardar kroner. Tidleg i 2021 var kursen over 80 kroner aksjen, men deretter trenden vore negativ.
Hexagon Purus lagar tankar og system for bruk av hydrogen som energiberar, og leverer i tillegg batterianlegg. Selskapet var opphavleg ein del av Hexagon Composites, men vart skilt ut og børsnotert i 2020. Hexagon Composites, der Knut Flakk er styreleiar og stor aksjonær, er framleis største eigar i Hexagon Purus.
Dei førebelse tala som er lagt fram i børsmeldinga viser ei inntekt på 1876 millionar kroner i 2024, og eit driftsresultat før av- og nedskrivingar (ebitda) på minus 348 millionar kroner. Det er ein inntekstvekst på 42 prosent. Driftsresultat før av- og nedskrivingar i høve til inntekten evar minus 19 prosent i 2024, mot minus 34 i 2023.
I fjerde kvartal 2024 var inntekten 348 millionart kroner, mot 336 millionar kroner i fjerde kvartal 2023, ein vekst på 3,5 prosent.
Artikkelen er oppdatert, mellom anna med aksjekursar for børsnoterte selskap på Nordvestlandet, etter at børsen stengte for dagen.
| Børsdagen | ||
| Selskap | Kurs i kroner | %-Endring i dag |
| Romsdal Sparebank | 125,50 | 3,72 % |
| Hav Group | 6,22 | 1,97 % |
| Hofseth Biocare | 2,90 | 1,75 % |
| Salmon Evolution | 6,98 | 1,60 % |
| Norva 24 Group* | 25,05 | 0,80 % |
| Arctic Bioscience | 3,32 | 0,61 % |
| Endúr | 68,50 | -0,44 % |
| Golden Energy Offshore Services | 19,25 | -0,77 % |
| Havila Kystruten | 0,84 | -1,53 % |
| Havila Shipping | 1,43 | -1,65 % |
| Sparebanken Møre | 94,61 | -2,86 % |
| Atlantic Sapphire | 13,88 | -3,66 % |
| Hexagon Composites | 38,70 | -9,47 % |
| Hexagon Purus | 3,10 | -24,48 % |
| * Kurs i SEK |
Publisert: 24.01.2025 08:20
Sist oppdatert: 24.01.2025 16:57
