Børsdagen: Atlantic Sapphire ber om pengar

Atlantic Sapphire varsla klokka 16.40 tysdag at selskapet vil hente inn 65 millionar dollar - omlag 700 millionar kroner - i ny eigenkapital.

Kapitalutvidinga skal skje til kurs 1,40 kroner og er retta mot ei mindre gruppe investorar.

Arctic Securities og DNB Markets er leigd inn for å hjelpe til med kapitalutvidinga. Målet er å ha den gjennomført før klokka 08 onsdag. Fleire av dei eksisterande eigarane, blant dei Nordlaks-konsernet og Petter Stordalens Strawberry Equities, har forplikta seg til å vere med på kapitalutvidinga.

Les børsmelding her

Atlantic Sapphire var 13. september notert til 1,40 kroner, som er emisjonskursen. Det er førebels botnnotering for selskapet.

Dagens sluttkurs på 1,74 kroner aksjen, verdsette Atlantic Sapphire til 487 millionar. Ei kapitalutviding på 700 millionar kroner betyr ei stor utvatning at aksjonærane som ikkje blir med på kapitalutvidinga.

Tidlegare tysdag markerte Hexagon Purus-sjef Morten Holum opninga av selskapet sin nye fabrikk i Kassel i Tyskland.

Der skal det produserast tankar for bruk av hydrogen som energiberar for skip, tog, buss og bilar. Det er den tredje fabrikken selskapet opnar i år. Frå før er det opna ein tilsvarande fabrikk i Maryland i USA og ein batterisystem-fabrikk i Canada.

Går alt som Hexagon Purus håpar blir det 300 arbeidsplassar på fabrikken i Tyskland.

Les børsmelding her

Artikkelen er oppdatert, mellom anna med aksjekursar for børsnoterte selskap på Nordvestlandet, etter at børsen stengte for dagen.