Børsdagen: Høgste kurs sidan april 2022

Sjå børstabell for Nordvestlandet under saka

Kursen på eigenkapitalbevisa i Sparebanken Møre har stige nesten fem prosent i år.

Ved 14-tida onsdag var kursen opp 1,15 prosent samanlikna med dagen før - til 88,10 kroner. Mot slutten av dagen fall kursen litt tilbake og slutta på 88,05 kroner.

Dermed passerte kursen den høgste kursen banken hadde i 2023 (87,80 kroner, 6. mars i fjor, journ. anm.).

Førre gang kursen var like høg som i dag, var i april 2022.

Eigarane av eigenkapitalbevisa i i Sparebanken Møre hadde ein nesten ubroten opptur frå 60 kroner per eigenkapitalbevis i mars 2021, til 97,20 kroner i slutten av januar 2022. Det gjorde banken til ein av børsvinnarane på Nordvestlandet i 2021.

Deretter fall kursen til under 70 kroner i september 2022, før den steig til mars 2023, og deretter fall til under 75 kroner i november i fjor. Etterpå starta ein ny opptur.

Onsdag ettermiddag opplyste også banken om ei velukka utskriving av eit nytt evigvarande fondsobligasjonslån på 350 millionar kroner, i ei børsmelding.

Børstabell for Nordvestlandet: