Børsdagen: Liten opptur av fabrikksatsing

Sjå børstabell for Nordvestlandet under

Torsdag melde Hofseth Biocare at dei vil bygge ein ny fabrikk på Berkåk i Trøndelag. 

Det er snakk om ei betydeleg investering som vil tredoble kapasiteten samanlikna med i dag, og auke talet på tilsette frå 8 til 40. 

Kort tid før børsen stenger fredag stod Hofseth Biocare-kursen like fullt på 1,29 kroner, det same som onsdagens sluttkurs. 

Den siste fekk aksjen ein liten opptur og slutta på 1,315 kroner - opp 1,94 prosent frå dagen før. 

Kursen er likevel om lag det halve av verdien ved inngangen på året for bioteknologiselskapet. 

Årsaka til at investorane ikkje tok bølgja for fabrikknyheita var kanskje den påfølgande opplysinga i børsmeldinga, om at selskapet førebels jobbar med å få på plass den naudsynte finansieringa av investeringa gjennom banklån og leasingavtaler. 

Hofseth Biocare foredlar avskjer og restråstoff frå laks til ingrediensar for helsekost og kjæledyrfôr. Selskapet utviklar også produkt som kan bli til legemiddel.

Selskapet har dag fabrikk på Midsund, og siste kvartalsrapport viste auke i inntektene – og underskotet. 

Eit nytt hydrolyseanlegg ved Berkåk vil gjere det lettare å rekruttere råstoffleverandørar nord for Møre og Romsdal.

Anlegget har dessutan god plass og ei gunstig plassering langs E6, ifølgje Hofseth Biocare-sjef Jon Olav Ødegård. 

Hexagon Purus og Hexagon Composites gjorde det best av dei børsnoterte selskapa frå regionen fredag. 

Hovudindeksen på Oslo børs sank med 0,2 prosent til 1469,99 poeng. 

Børstabell for Nordvestlandet: