Børsdagen: Kald fisk varma aksjemarknaden

Ved børsslutt i går var aksjekursen til Atlantic Sapphire 1,46 kroner aksjen. Selskapet har hovudkontoradresse på Vestnes, og driv landbasert lakseoppdrett ved Miami i Florida.

Like etter børshandelen stengde i varsla selskapet at det meiner å ha fått kontroll på nedkjølinga av vatnet som blir bruk i anlegget. Med den ekstra kjøpekapasiteten er temperaturane nede på kring 14 grader. Er det for varmt, veks fisken dårleg, men no skal det problemet vere løyst.

Meldinga blei godt mottatt då børshandelen opna klokka 9 i dag. Klokka 09:24 var kursen oppe i 1,66 kroner aksjen. Ved børsslutt er kursen 1,59 kroner aksjen, opp 8,77 prosent sidan i går.

Atlantic Sapphire pumpar grunnvatn opp i anlegget. Det er varmt i Florida store deler av året,. Det gjeld også vatnet, slik at det må kjølast ned. Problemet med nedkjøling er det siste av fleire vanskar Atlantic Sapphire har hatt. Vanskane har gjort at selskapet ligg på etterskot både med vidare utbyggingsplanar og med innteninga, og har tæra på eigenkaptialten og tilliten hos investorane.

Seinast i september henta selskapet inn 702 millionar kroner i ny eigenkapital til 1,40 kroner aksjen. Sidan årskiftet har kursen falle over 78 prosent.

Industri- og ingeniørselskapet Endur offentleggjorde i dag at fleire datterselskap har inngått ei rekkje mindre kontraktar. Det medverka truleg til at kursen steig 5,57 prosent.

Les børsmelding her

Artikkelen er oppdatert med aksjekursar for børsnoterte selskap på Nordvestlandet, etter at børshandelen var over for dagen.