Sparebanken Møre, Sparebank 1 SMN og Sparebank 1 Sogn og Fjordane var mellom dei som torsdag varsla rentekutt, etter at Norge Bank overraskande sette ned styringsrenta tidlegare på dagen.
Alle tre bankane varsla rentekutt på 0,25 prosentpoeng for lån og innskot.
Medan Sparebank 1 Sogn og Fjordane reduserer renta allereie frå 25. juni for nye kundar, må bankane sine eksisterande kundar vente til 25. august før endringane trår i kraft. Bakgrunnen er at dei har ein varslingsfrist på åtte veker.
Også fleire bankar har varsla rentekutt i kjølvatnet av Noregs Banks uventa kutt i styringsrenta frå 4,5 til 4,25 prosent torsdag.
Det skjedde ikkje dei store endringane for dei børsnoterte selskapa frå Nordvestlandet i løpet av handelen torsdag. Arctic Bioscience gjekk mest opp, medan Hofseth Biocare gjekk mest ned av aksjane frå regionen (sjå børstabell under).
Hovudindeksen på Oslo børs hadde ein ny dag i pluss og slutta på 1645,14 poeng etter ein oppgang på 0,46 prosent.
| Selskap | Kurs i kroner | %-endring i dag |
| Arctic Bioscience | kr 3,20 | 5,96 % |
| Atlantic Sapphire | kr 9,15 | 2,76 % |
| Endúr | kr 90,30 | -1,20 % |
| Golden Energy Offshore Services | kr 19,65 | 1,29 % |
| Hav Group | kr 7,18 | 2,28 % |
| Havila Kystruten | kr 1,30 | -0,38 % |
| Havila Shipping | kr 1,35 | 1,13 % |
| Hexagon Composites | kr 16,20 | 1,25 % |
| Hexagon Purus | kr 1,73 | 0,93 % |
| Hofseth Biocare | kr 1,80 | -5,01 % |
| Norva 24 Group* | 36,00 kr | 0,00 % |
| Tinde Sparebank | kr 128,00 | 0,00 % |
| Salmon Evolution | kr 6,07 | 0,66 % |
| Sparebanken Møre | kr 101,46 | -0,16 % |
| * Kurs i SEK | ||
Publisert: 19.06.2025 17:13
Sist oppdatert: 19.06.2025 17:13
