Børsdagen: Klarsignal for Hexagon Purus

Oslo Børs har vedteke å overføre Hexagon Purus frå marknadsplassen til hovudlista. Overføringa skal skje seinast 23. juni i år, skriv selskapet i ei børsmelding.

Ei notering på hovudlista stiller større krav til selskapa enn om dei er notert på marknadsplassen Euronext Growth, mellom anna når det gjeld tal på aksjonærar.

Gevinsten med å flytte til hovudlista er gjerne større interesse og dermed også meir handel i aksjen, som i sin tur kan gjere det lettare å hente inn pengar gjennom nye kapitalutvidingar i framtida.

I starten av mars i år henta Hexagon Purus inn 500 millionar kroner i ny eigenkapital og 800 millionar i eit konvertibelt obligasjonslån. Eit konvertibelt obligasjonslån kan gjerast om til aksjar, som ein del av førebuingane til å bli overført til hovudlista.

Ved børsslutt i dag var Hexagon Purus-kursen 25,26 kroner, opp 1,53 prosent frå børsslutt fredag.

Artikkelen er oppdatert, mellom anna etter børsslutt i dag med dagens børskursar og kursutvikling for selskap frå Nordvestlandet.