Børsdagen: Kurshopp på nye kontraktar
Havila Shipping har fått leigd ut to plattformforsyningsskip. Det løfta kursen.
Havila Shipping steig 13,56 prosent i dag, og storparten av kursauken kom etter at reiarlaget melde om nye leigeavtalar for plattformforsyningsskipa Havila Borg og Havila Herøy.
Kunden er nederlandske Peterson den Helder BV.
Havila Borg skal er leigd ut for seks månadar med opsjon på ytterlegare 12 månadar. Havila Borg har allereie starta på kontrakten.
Havila Herøy si kontrakt startar 18. oktober og er ei forlenging av ein eksisterande avtale. Havila Herøy er leigd ut for eit boreoppdrag som er rekna med å ta 90 dagar, med opsjon på ytterlegare 370 dagar.
Rett før børsmeldinga vart sendt ut klokka 14:44:58 i dag vart Havila Shipping handla til 9,30 kroner aksjen. Då børsen stengte i ettermiddag var kursen 10,22 kroner aksjen, opp 13,56 prosent frå i går.
| Børsdagen | ||
| Selskap | Kurs i kroner | %-Endring i dag |
| Havila Shipping | 10,22 | 13,56 % |
| Golden Energy Offshore Services | 1,88 | 8,05 % |
| Atlantic Sapphire | 12,63 | 3,44 % |
| Norva 24* | 32,26 | 2,69 % |
| Salmon Evolution | 8,54 | 2,40 % |
| Hofseth Biocare | 3,47 | 0,87 % |
| Havila Kystruten | 18,20 | 0,00 % |
| Arctic Bioscience | 14,00 | 0,00 % |
| Sparebanken Møre | 69,20 | -0,14 % |
| Endúr | 27,00 | -0,74 % |
| Hexagon Composites | 22,08 | -2,30 % |
| Statt Torsk | 2,08 | -3,26 % |
| Havyard Group | 3,33 | -3,76 % |
| Hav Group | 9,60 | -3,90 % |
| Hexagon Purus | 17,82 | -4,71 % |
| Nortel | 18,00 | -6,74 % |
| *Svenske kroner |
Publisert: 12.10.2022 16:44
Sist oppdatert: 12.10.2022 16:58