Børsdagen: Laks på topp – torsk på botn

Sjå børstabell for Nordvestlandet under

Både hovudindeksen og dei fleste selskapa frå Nordvestlandet, enda onsdagen i raudt.

Lakseoppdrettarane i Atlantic Sapphire steig mest av dei børsnoterte selskapa frå regionen. Eit anna lakseoppdrettsselskap, Salmon Evolution, steig også onsdag.

Det gjorde derimot ikkje Sparebanken Møre som innleia onsdagen med å fortelje at delar av eigarskapet blir lagt inn i ei nyoppretta stifting. Ved slutten av dagen var banken eitt av ti selskap frå regionen med fall i kursen.

Golden Energy Offshore var også mellom dei fem selskapa frå regionen med ny oppgang. Reiarlaget som nyleg sikra fleire nye kontraktar steig til 1,50 kroner.

Hydrogenselskapet Hexagon Purus som hadde ny botnrekord tidlegare i veka, fekk nok ei botnnotering i løpet av onsdagen. Sluttkursen på 7,97 kroner aksjen er det lågaste nivået til no for aksjen som har falle kring 30 prosent i år.

Statt Torsk hadde den dårlegaste utviklinga av selskapa frå regionen. Oppdrettsselskapet vart dagens tapar med eit fall på meir enn fem prosent. Torsdag er siste dag på børsen for selskapet som skal bli slått saman med konkurrenten Vesterålen Havbruk.

Børstabell for Nordvestlandet: