Børstabell for Nordvestlandet under saka
Hofseth Biocare-aksjen har denne veka vore nede på det lågaste nivået sidan våren 2018.
Etter at kursen var nede på 1,81 kroner aksjen både måndag og onsdag, fall den igjen under 1,90 kroner fredag.
Selskapet vart dagens tapar mellom dei børsnoterte selskapa frå Nordvestlandet.
Hofseth Biocare vidareforedlar produkt basert på avskjer og restråstoff frå oppdrettsnæringa. Marknaden er helsekost- og kjæledyrfôr-bransjen, men selskapet har dei siste åra også sett i gang fleire prosjekt med mål om å utvikle produkt som kan bli godkjent som legemiddel.
Tidlegare i år skilte selskapet ut forsking- og utviklingsarbeidet for eit legemiddel til bruk i behandling av prostatakreft. Denne transaksjonen gjorde at selskapet fekk eit overskot i andre kvartal.
Kursen fekk ein liten opptur etter halvårsrapporten blei levert i august. I ettertid har kursen svinga kring to kroner aksjen.
Atlantic Sapphire vart dagens vinnar av selskapa frå regionen på Oslo børs.
Hovudindeksen klatra igjen over oppover til 1407,41 poeng etter ein oppgang på 0,9 prosent i løpet av dagen. Oljeprisen gjekk også opp i løpet av dagen og vart fredag ettermiddag omsett for kring 72,4 dollar fatet.
Børstabell for Nordvestlandet:
| Selskap | Kurs i kroner | %-Endring i dag |
| Atlantic Sapphire | kr 0,72 | 20,37 % |
| Havila Shipping | kr 3,70 | 4,37 % |
| Norva 24 Group* | kr 33,4 | 3,73 % |
| Hexagon Purus | kr 10,16 | 3,36 % |
| Hexagon Composites | kr 40,30 | 2,03 % |
| Salmon Evolution | kr 6,61 | 2,01 % |
| Arctic Bioscience | kr 13,90 | 1,46 % |
| Sparebanken Møre | kr 84,20 | 1,31 % |
| Golden Energy Offshore Services | kr 22,90 | 0,00 % |
| Romsdal Sparebank | kr 112,50 | 0,00 % |
| Endúr | kr 61,10 | -1,29 % |
| Hav Group | kr 8,64 | -1,82 % |
| Havila Kystruten | kr 0,78 | -4,88 % |
| Hofseth Biocare | kr 1,88 | -7,84 % |
| * Kurs i SEK | ||
Publisert: 13.09.2024 15:53
Sist oppdatert: 13.09.2024 17:05
