Børsdagen: Meir enn halvert på fire veker

Fredag blei nok ein raud dag på Oslo børs med kraftig fall i hovudindeksen. Då handelen stengte var børsen ned heile 4,04 prosent til 1.112,20.

Oljeprisen gjekk også kraftig ned med nær fem prosent per fat rundt stengetid. Då blei eit fat nordsjøolje handla for drygt 85 dollar.

Havila Shipping fekk hardast medfart av selskapa frå Nordvestlandet. Aksjen sank med nye 9,32 prosent til 8,27 kroner.

Det betyr at børsverdien for reiarlaget frå Herøy er halvert på mindre enn ein månad. Så seint som 26. august blei aksjen omsett til meir enn 17 kroner.

Best utvikling av selskapa frå regionen fekk lakseoppdrettarane i Attlantic Sapphire.

Selskapet som satsar på landbasert oppdrett av laks i USA, fekk ein opptur etter torsdagens nye botnnotering. Fredag steig aksjen 3,53 prosent til 11,44 kroner.

Fredag vart det óg kjent at kjendisinvestor Arne Blystad har selt seg ned – og verkar å ha mista trua på selskapet. Ifølgje Finansavisen har Blystad selt seg ned over tid og er no vekke frå lista over dei 50 største aksjonærane.

Arctic Bioscience nådde ny botnnotering dagen etter den førre, med eit fall på 0,8 prosent til 12,40 kroner.

Børstabell for Nordvestlandet: