Hexagon Composites sende ut ei børsmelding i dag tidleg om at selskapet skal levere tankar og system for bruk av biogass som drivstoff på lastebilar som UPS opererer.
Kontrakta er på cirka 225 millionar kroner. Tidlegare i år varsla selskapet om ei tilsvarande kontrakt på 205 millionar kroner innanfor same rammeavtale. Rammeavtalen blei inngått i 2019.
Klokka 15:05 i dag var aksjekursen til Hexagon Composites opp 7,06 prosent, til 26,98 kroner aksjen. Ved børsslutt enda kursen litt ned, på 26,62, med ein dagsauke på 5,63 prosent, og var Hexagon Composites var dermed dagens børsvinnar frå Nordvestlandet.
Hittil i år er kursen ned 2,85 prosent.
Ved inngangen til 2023 var kursen 27,40 kroner. Fram til 9. mars steig krusen til 39,56 kroner, det høgaste nivået sidan november 2021. Etterpå har det gått nedover og gårsdagens sluttkurs på 25,20 kroner aksjen er den lågaste hittil i år.
Artikkelen er oppdatert, mellom anna med oversikt over kursutviklinga for børsnoterte selskap på Nordvestlandet, etter at børsen er stengt for dagen.
| Børsdagen | ||
| Selskap | Kurs i kroner | %-endring i dag |
| Hexagon Composites | 26,62 | 5,63 % |
| Hav Group | 9,14 | 2,01 % |
| Endúr | 38,9 | 1,83 % |
| Statt Torsk | 0,606 | 1,34 % |
| Havila Shipping | 11,66 | 1,22 % |
| Hexagon Purus | 19,5 | 0,10 % |
| Nortel | 29,8 | -0,67 % |
| Sparebanken Møre | 75,78 | -0,94 % |
| Salmon Evolution | 6,15 | -1,28 % |
| Havila Kystruten | 1,21 | -3,20 % |
| Arctic Bioscience | 9 | -3,23 % |
| Norva 24* | 24,75 | -3,32 % |
| Eqva (tidlegare Havyard Group) | 2,82 | -3,75 % |
| Hofseth Biocare | 2,73 | -3,87 % |
| Atlantic Sapphire | 6,85 | -4,60 % |
| Golden Energy Offshore Services | 1,054 | -5,72 % |
| * Tal i SEK |
Publisert: 28.06.2023 15:20
Sist oppdatert: 28.06.2023 19:32
